Nachdem i als oanziger de Lösung woaß,
werd i enk hiatz sagn, und des is koa Gschpoaß,
dass eppan de richtige Lösung gfundn hat,
wer`s gwen is - des is a guate Frag!
Owa an 2. und 3. Platz tat ma a no suachn,
dia Punkte kunnts no fi enk vabuachn!
An kloan Tipp, wia i auf de Frag bin kemma,
kunnts aus folgenden Gedicht entnemma:
I fahr so auf da Straß`dahin
noant fahrt ma links a Auto vi,
wia i des Auto va hint oschau,
denk i mia -kenn- i diese Frau?
Dao fallt ma ein wia alt i werd`
so treibts ma glei an Schwitz daher
und -wechsel- zuache auf d`Ausweichspur,
schö langsam kimm i wieder zur Ruah!
Vü Spaß ban Rätseln wünscht enk da Christian
